Архивы Жаңылыктар - Адабий Ордо https://adabiyat.men/category/redakcziya/zhangylyktar/ Кыргыз акын-жазуучуларынын адабий ордосу Sat, 01 Aug 2026 06:03:12 +0000 ky-KG hourly 1 https://adabiyat.men/wp-content/uploads/2025/12/cropped-z_ao-32x32.png Архивы Жаңылыктар - Адабий Ордо https://adabiyat.men/category/redakcziya/zhangylyktar/ 32 32 55 сөздөн турган аңгемелерге сынак https://adabiyat.men/55-sozdon-turgan-kara-soz-chygarmalaryna-synak/ https://adabiyat.men/55-sozdon-turgan-kara-soz-chygarmalaryna-synak/#respond Sat, 01 Aug 2026 08:00:00 +0000 https://adabiyat.men/?p=2382 «Адабий Ордо» сайты «Кыргыз маданият борбору» жана «КЫСКА-НУСКА» телеграм-каналы менен бирге 55 сөздөн турган аңгемелерге сынак жарыялайт. Ушундай сынакты бир кезде New Times гезити жарыялаган,...

55 сөздөн турган аңгемелерге сынак алгач бул жерде - Адабий Ордо жарыяланды.

]]>
4.5/5 - (8 добуш)

«Адабий Ордо» сайты «Кыргыз маданият борбору» жана «КЫСКА-НУСКА» телеграм-каналы менен бирге 55 сөздөн турган аңгемелерге сынак жарыялайт. Ушундай сынакты бир кезде New Times гезити жарыялаган, ал эми 2022-жылы «КЫСКА-НУСКА» телеграм-каналы да кыргыз калемгерлеринин арасында ийгиликтүү уюштурган.

СЫНАКТЫН ШАРТТАРЫ

Ким катыша алат?

Сынактын катышуучуларына жашы, жынысы, адабиятка аралашканы, адабий чөйрөгө жакындыгы, «Адабий Ордо» сайтында катталган-катталбаганы боюнча чектөө жок.

Чыгармага талаптар:

  • чыгарма ашык-кеми жок 55 сөздөн турушу керек;
  • баяндалган окуяда жок дегенде бир каарман болушу абзел;
  • окуя болгон жерди көрсөтүү зарыл;
  • чыгармада конфликттин өнүгүшү жана чечилиши (же күтүүсүз аякташы) камтылышы талап.

Канча чыгарма жөнөтсө болот?

Бир автордон 3 (үч) гана чыгарма кабыл алынат. “Өзүңөр тандап алгыла” деген өтүнмөлөр каралбайт!

Чыгармалардын жарыяланышы

  • Редакциянын алгачкы элегинен өткөн чыгармалар гана сынакка катыштырылат. Мында чыгармага талаптардын сакталышына көңүл бурулат. Чыгарманын сынакка катыштырылбай калышы боюнча редакция түшүндүрмө берүүгө милдеттүү эмес.
  • Сынакка катышкан ар бир чыгармага номур берилет жана ал ошол номур менен автору көрсөтүлбөй (сайттын админинин атынан) сайтка жарыяланат.
  • Сынакка катышкан чыгармалар «Адабий Ордо» сайтынан сырткары «Кыргыз Маданият Борбору» сайтында жана «КЫСКА-НУСКА» телеграм-каналында жарыяланып турат.

Сынактын сыйлыктары:

1-орун: Атайын диплом, 12 айга каалаган көлөмдө, каалаган санда акы төлөбөй сайтка чыгармаларын жарыялоо мүмкүнчүлүгү;

2-орун: Атайын диплом, 9 айга каалаган көлөмдө, каалаган санда акы төлөбөй сайтка чыгармаларын жарыялоо мүмкүнчүлүгү;

3-орун: Атайын диплом, 6 айга каалаган көлөмдө, каалаган санда акы төлөбөй сайтка чыгармаларын жарыялоо мүмкүнчүлүгү;

«Адабий Ордо» сайтынын редакциясынын сыйлыгы: 3 айга каалаган көлөмдө, каалаган санда акы төлөбөй сайтка чыгармаларын жарыялоого сертификат.

Сынактын мөөнөттөрү кандай?

  • Сынакка чыгармалар 2026-жылдын 1-августунан баштап кабыл алына баштайт.
  • Сынакка чыгармалар 2026-жылдын 31-августуна түнкү саат 12ге чейин кабыл алынат.
  • Сынактын жыйынтыгы 2026-жылдын 15-сентябрына чейин чыгарылат.

Сынактын жюрисинин курамы?

  • Сынактын жюриси сайттын редакциясынын тандоосундагы 5 көрүнүктүү адабият өкүлүнөн турат. Алардын ысымдары сынак бүткөнгө чейин ачыкка чыгарылбайт.
  • Жюринин курамына сайттын редакциясы кирбейт.
  • Сайттын редакция мүчөлөрү жана калыстар сынакка катышпайт.

Китептин чыгарылышы

Сынактын жыйынтыгы боюнча ага катышкан бардык чыгармалардан турган жыйнакты даярдап, басып чыгарып, китепканаларга таратып, окурман журтуна сунуштоону пландаштырып жатабыз. Бул китепте сынакка катышкан кыска аңгемелерден сырткары, алардын авторлору тууралуу да маалымат камтылмакчы.

Сынакка катышкан ар бир авторго 1ден китеп бекер берилет.

Сынакка чыгарманы жиберүүнүн талаптары кандай?

  • Сынакка чыгарманы adabijordo@gmail.com эл. почтасына темасына «55 сөз» деп белгилеп жазып жибериш керек.
  • Катта чыгарма менен кошо автордун аты-жөнү, ватсап номуру (ыкчам байланышып айрым маалыматтарды тактап алыш үчүн) көрсөтүлүшү абзел.
  • Ошондой эле автордун бир сүрөтү, автор тууралуу кыска маалымат катка тиркелиши зарыл (китепке).

55 сөздөн турган чыгармалардын өзгөчөлүгү тууралуу төмөнкү келтирилген мисалдардан түшүнүк алса болот:

55 сөздөн турган аңгемелерге сынак алгач бул жерде - Адабий Ордо жарыяланды.

]]> https://adabiyat.men/55-sozdon-turgan-kara-soz-chygarmalaryna-synak/feed/ 0 Китепканабыздагы жакшыртуулар https://adabiyat.men/kitepkanabyzdagy-zhakshyrtuular/ https://adabiyat.men/kitepkanabyzdagy-zhakshyrtuular/#respond Tue, 28 Jul 2026 05:52:03 +0000 https://adabiyat.men/?p=2325 Убадабызды аткарып, сайтыбыздын “Китепканасында” жайгаштырылган бардык китептер сайттан окуганга ыңгайлаштырылды. Эскерте кетсек, мурда китептерди окугусу келгендер анын PDF түрүн алгач өз түзүмдөрүнө жүктөп алышы керек...

Китепканабыздагы жакшыртуулар алгач бул жерде - Адабий Ордо жарыяланды.

]]>
5/5 - (3 добуш)

Убадабызды аткарып, сайтыбыздын “Китепканасында” жайгаштырылган бардык китептер сайттан окуганга ыңгайлаштырылды.

Эскерте кетсек, мурда китептерди окугусу келгендер анын PDF түрүн алгач өз түзүмдөрүнө жүктөп алышы керек болчу.

Китепканабыздагы жакшыртуулар алгач бул жерде - Адабий Ордо жарыяланды.

]]> https://adabiyat.men/kitepkanabyzdagy-zhakshyrtuular/feed/ 0 Китепканага #55сөз жыйнагы кошулду https://adabiyat.men/kitepkanaga-55soz-zhyjnagy-koshuldu/ https://adabiyat.men/kitepkanaga-55soz-zhyjnagy-koshuldu/#respond Wed, 22 Jul 2026 08:04:39 +0000 https://adabiyat.men/?p=2249 Сайтыбыздын китепканасына “#55сөз” аталыштагы жыйнак кошулду. Анда “КЫСКА-НУСКА” телеграм-каналы 2022-жылы 4-июль – 1-сентябрь аралыгында уюштурган 55 сөздөн турган кыска чыгармаларга сынактын жеңүүчүлөрүнүн чыгармалары киргизилди. Бул...

Китепканага #55сөз жыйнагы кошулду алгач бул жерде - Адабий Ордо жарыяланды.

]]>
5/5 - (2 добуш)

Сайтыбыздын китепканасына “#55сөз” аталыштагы жыйнак кошулду. Анда “КЫСКА-НУСКА” телеграм-каналы 2022-жылы 4-июль – 1-сентябрь аралыгында уюштурган 55 сөздөн турган кыска чыгармаларга сынактын жеңүүчүлөрүнүн чыгармалары киргизилди.

Бул жерде белгилей кетсек, “Адабий Ордо” сайты да жакында 55 сөздөн турган кыска карасөз чыгармаларга сынак жарыялоону пландаштырып жатат.

Китепканага #55сөз жыйнагы кошулду алгач бул жерде - Адабий Ордо жарыяланды.

]]> https://adabiyat.men/kitepkanaga-55soz-zhyjnagy-koshuldu/feed/ 0 Сайтта китепти окуу мүмкүнчүлүгү киргизилди https://adabiyat.men/sajtta-kitepti-okuu-mumkunchulugu-kirgizildi/ https://adabiyat.men/sajtta-kitepti-okuu-mumkunchulugu-kirgizildi/#respond Mon, 20 Jul 2026 10:28:24 +0000 https://adabiyat.men/?p=2219 Окурмандар сайттын Китепканасындагы китептерди мындан ары жүктөп гана албастан, сайттын өзүндө окууга мүмкүнчүлүк алышты. Китептин барагына “Китепти сайттан ОКУУ” деген жаңы функция кошулду. Азырынча бул...

Сайтта китепти окуу мүмкүнчүлүгү киргизилди алгач бул жерде - Адабий Ордо жарыяланды.

]]>
4.7/5 - (4 добуш)

Окурмандар сайттын Китепканасындагы китептерди мындан ары жүктөп гана албастан, сайттын өзүндө окууга мүмкүнчүлүк алышты.

Китептин барагына “Китепти сайттан ОКУУ” деген жаңы функция кошулду.

Азырынча бул мүмкүндүктөр сайтыбызга жакында жүктөлгөн Жылдыз Бекболотованын “Керемет айылда” жана “Кереметтин тоодогу 1 күнү” деген китептерине кошулду.

Жакында Китепканадагы башка китептерге да кошулат.

Сайтта китепти окуу мүмкүнчүлүгү киргизилди алгач бул жерде - Адабий Ордо жарыяланды.

]]> https://adabiyat.men/sajtta-kitepti-okuu-mumkunchulugu-kirgizildi/feed/ 0 Кереметтин жоруктары тууралуу китептер китепканабызга кошулду https://adabiyat.men/keremettin-zhoruktary-tuuraluu-kitepter-kitepkanabyzga-koshuldu/ https://adabiyat.men/keremettin-zhoruktary-tuuraluu-kitepter-kitepkanabyzga-koshuldu/#respond Sun, 12 Jul 2026 07:51:00 +0000 https://adabiyat.men/?p=2155 Сайтыбызда катталган алгачкы авторлорубуздун бири, балдарга арналган чыгармаларды жаратып келген Жылдыз Бекболотованын жаңы чыккан 2 китеби: “Керемет айылда” (1-китеп) жана “Кереметтин тоодогу бир күнү” (2-китеп)...

Кереметтин жоруктары тууралуу китептер китепканабызга кошулду алгач бул жерде - Адабий Ордо жарыяланды.

]]>
5/5 - (1 добуш)

Сайтыбызда катталган алгачкы авторлорубуздун бири, балдарга арналган чыгармаларды жаратып келген Жылдыз Бекболотованын жаңы чыккан 2 китеби: “Керемет айылда” (1-китеп) жана “Кереметтин тоодогу бир күнү” (2-китеп) сайтыбызга жайгаштырылды.

Китептеридин аталышы айтып тургандай эле, бул китептерде шаарда төрөлүп өскөн Керемет деген кичинекей кыздын жоруктары баяндалат. Чыгармалар ата-энелер балдарына окуп берүүсү үчүн.

Кагаз түрүндөгү китептерди алгысы келгендер автордун өзүнө +43 650 3545625 ватсап номуру аркылуу кайрылсаңыздар болот.

Кереметтин жоруктары тууралуу китептер китепканабызга кошулду алгач бул жерде - Адабий Ордо жарыяланды.

]]> https://adabiyat.men/keremettin-zhoruktary-tuuraluu-kitepter-kitepkanabyzga-koshuldu/feed/ 0 Кыргыз акын-жазуучуларынын 100 мыкты чыгармасы https://adabiyat.men/kyrgyz-akyn-zhazuuchularynyn-100-mykty-chygarmasy/ https://adabiyat.men/kyrgyz-akyn-zhazuuchularynyn-100-mykty-chygarmasy/#respond Tue, 07 Jul 2026 03:09:00 +0000 https://adabiyat.men/?p=2073 Ар бир адамдын кайра-кайра окугандан тажабаган, окуган сайын рахат алган, өзү үчүн жаңы нерсени ачып турган жакшы көргөн китептери болот. Атактуу америкалык жазуучу Рэй Брэдбери...

Кыргыз акын-жазуучуларынын 100 мыкты чыгармасы алгач бул жерде - Адабий Ордо жарыяланды.

]]>
4.8/5 - (13 добуш)

Ар бир адамдын кайра-кайра окугандан тажабаган, окуган сайын рахат алган, өзү үчүн жаңы нерсени ачып турган жакшы көргөн китептери болот. Атактуу америкалык жазуучу Рэй Брэдбери “Акылдуу болуш үчүн 10 китепти окуганың жетиштүү, бирок аларды табыш үчүн миңдеген китептерди окуп чыгышың керек” деп айткан имиш.

Жашоо агымы уламдан улам тездеп жаткан заманда китеп окууга убакыт табыш кыйын болуп барат. Ушундайда тажрыйбалуу, билимдүү башка бирөөнүн кеңеши алтынга тете эмеспи. “Кыргыз баласы сөзсүз окуй турган кыргыз акын-жазуучуларынын 100 мыкты чыгармасы” деген тизмегибиз ошондой кеңешчи боло алат болушу керек деп үмүттөнөбүз.

Бул тизмекти түзүш үчүн биз таанып сыйлаган калемгерлерден, адабиятка кызыккан окурмандардан алар жакшы көрүп окуган кыргыз акын-жазуучулардын 10 чыгармасын атап кетүүсүн суранып кайрылганбыз.

Жалпы жонунан 140ка жакын келип түшкөн жоопто 194 автордун ысымы, 363 чыгарманын аты аталды. Айрымдар чет элдик авторлордун кыргыз тилине которулган чыгармаларын атай кетишиптир, сурамжылообуздун максатына туура келбегендиктен биз аларды эсепке алган жокпуз. Бир гана Шота Руставелинин “Жолборс терисин жамынган баатыр” поэмасынын Алыкул Осмонов жасаган котормосун калтырдык. Биздин пикирибизде, бул котормону Алыкулдун автордук чыгармасы деп атасак болчудай, анткени кыргыз акыны грузин тилиндеги поэманын негизги сюжетин калтырып, аны эркин которуп кыргызча төгүп салган.

Добуштарды эсептөөдөгү айрым жагдайларга токтоло кетсек.

  • Ар бир аталган чыгармага бирден добуш берилди.
  • Өз алдынча каралган чыгармалардын эң чаканы аңгемелер жана поэмалар болду. Айрым ырлар аталган учурларда жалпы жонунан аларды жазган акындын ырлары катары караштырып, акындын ар бир ыры аталган сайын ага бирден добуш берилип жатты.
  • Өзүнчө чыгарманы атабай кайсы бир автордун бардык чыгармалары деген жооп болгондо, биз ошол автордун сурамжылоо учурунда аталган бардык чыгармаларына бирден добушту бердик. (Бирок эмки сурамжылоо жүргүзүүдө ушул маселени эске алуу зарыл экенин байкадык).

Назарыңыздарга “Кыргыз баласы сөзсүз окуй турган кыргыз акын-жазуучуларынын 100 мыкты чыгармасы” тизмегин сунуштайбыз:

  1. Касымбеков Төлөгөн, “Сынган кылыч” (роман)
  2. Айтматов Чыңгыз, “Кылым карытар бир күн” (роман)
  3. Айтматов Чыңгыз, “Кыямат” (роман)
  4. Айтматов Чыңгыз, “Жамийла” (повесть)
  5. Айтматов Чыңгыз, “Саманчынын жолу” (повесть)
  6. Сыдыкбеков Түгөлбай, “Көк асаба” (роман)
  7. Айтматов Чыңгыз, “Ак кеме” (повесть)
  8. “Манас” (эпос)
  9. Айтматов Чыңгыз, “Деңиз бойлой жорткон ала дөбөт” (повесть)
  10. Жакыпбеков Ашым, “Теңири Манас” (роман)
  11. Осмонов Алыкул, ырлары
  12. Сактанов Көчкөн, “Маркумдар үнү” (роман)
  13. Элебаев Мукай, “Узак жол” (роман)
  14. Айтматов Чыңгыз, “Гүлсарат” (повесть)
  15. Айтматов Чыңгыз, “Тоолор кулаганда” (роман)
  16. Жантөшев Касымалы, “Каныбек” (роман)
  17. Осмоналиев Качкынбай, “Көчмөндөр кагылышы” (роман)
  18. Дүйшеев Шайлообек, “Агындылар” (китеп)
  19. Касымбеков Төлөгөн, “Кел-кел” (роман)
  20. Айтматов Чыңгыз, “Биринчи мугалим” (повесть)
  21. Айтматов Чыңгыз, “Кызыл жоолук жалжалым” (“Делбирим”) (повесть)
  22. Айтматов Чыңгыз, “Бетме бет” (повесть)
  23. Айтматов Чыңгыз, “Кассандра эн тамгасы” (роман)
  24. Айтматов Чыңгыз, “Кызыл алма” (аңгеме)
  25. Айтматов Чыңгыз, “Эрте келген турналар” (повесть)
  26. Айтматов Чыңгыз, “Фудзиямадагы кадыр түн” (пьеса)
  27. Айтматов Чыңгыз, “Кайрылып куштар келгенче” (ангеме)
  28. Гапаров Мурза, “Байчечек” (аңгеме)
  29. Гапаров Мурза, “Кара-Көлдүн каздары” (аңгеме)
  30. Гапаров Мурза, “Айгүл тоо” (аңгеме)
  31. Гапаров Мурза, “Дарыялардын шоокуму” (повесть)
  32. Гапаров Мурза, “Кыштакча” (повесть)
  33. Гапаров Мурза, “Газала” (аңгеме)
  34. Акматбекова Сагын, ырлары
  35. Гапаров Мурза, “Күнөстүү арал” (киноповесть)
  36. Гапаров Мурза, “Экөө ээн бакта” (аңгеме)
  37. Жусубалиев Кубатбек, “Муздак дубалдар” (роман)
  38. Сарногоев Байдылда, ырлары
  39. “Семетей” (эпос)
  40. Гапаров Мурза, “Кызыл беде” (киноповесть)
  41. “Сейтек” (эпос)
  42. Гапаров Мурза, “Аялдар деңизи” (аңгеме)
  43. Гапаров Мурза, “Түш” (аңгеме)
  44. Сооронбаева Зуура, “Чоочун киши” (роман)
  45. Жусубалиев Кубатбек, “Күн автопортретин тартып бүтө элек” (повесть)
  46. Койчиев Арслан, “Мисмилдирик” (“Беделдеги каргыш”) (роман)
  47. Раев Султан, “Топон” (роман)
  48. Токомбаев Аалы, “Кандуу жылдар” (роман)
  49. Абдукаимов Узакбай, “Майдан” (роман)
  50. Акматов Казат, “Мезгил” (роман)
  51. Акматов Казат, “Мунабия” (аңгеме)
  52. Гургубаева Нарсулуу, ырлары
  53. Султанов Омор, ырлары
  54. Баласагын Жусуп, “Кут алчу билим” (дастан)
  55. Раев Султан, “Жанжаза” (роман)
  56. Саспаев Аман, “Татым туз” (аңгеме)
  57. Акматов Казат, “Архат” (роман)
  58. Баялинов Касымалы, “Ажар” (повесть)
  59. Кожомбердиев Турар, “Оту өчпөгөн коломто” (жыйнак)
  60. Мамытов Жолон, ырлары
  61. Раев Султан, “Күн кармаган бала” (повесть)
  62. Ажыматов Зайырбек, ырлары
  63. Даникеев Өскөн, “Көкөй кести” (роман)
  64. Жакиев Бексултан, “Атанын тагдыры” (драма)
  65. Жеңижок (Өтө Көкө уулу), “Аккан суу”
  66. Касаболотов Жыргалбек, ырлары
  67. Касымбеков Төлөгөн, “Адам болгум келет” (повесть)
  68. Саспаев Аман, “Сарала ит” (аңгеме)
  69. Станалиев Самсак, “Касым Тыныстанов. Чагылгандын көз жашы” (роман)
  70. Токомбаев Аалы, “Күүнүн сыры” (аңгеме)
  71. Байжиев Мар, “Бир тоголок самын” (аңгеме)
  72. Байжиев Мар, “Кылмышка бир секунд калганда” (аңгеме)
  73. Байжиев Мар, “Эрөөл” (пьеса)
  74. Дүйшеев Шайлообек, ырлары
  75. Осмонов Алыкул, “Жолборс терисин жамынган баатыр”
  76. Сатылганов Токтогул, чыгармалары
  77. Станалиев Самсак, “Ак жарыктын айыкпаган сыныгы” (роман)
  78. Султанов Омор, “Чарчоонун жүзүнчү ыры” (ыр түрмөгү)
  79. Шайдуллаева Топчугүл, аңгемелери
  80. “Эр Төштүк” (эпос)
  81. Алыбаев Мидин, ырлары
  82. Жигитов Салижан, “Күн тууду” (“Ит икаясы”) (повесть)
  83. Жигитов Салижан, ырлары 
  84. Жусубалиев Кубатбек, “Жети сөз жана Конфуций” (китеп)
  85. Жусубалиев Кубатбек, “Толубай сынчы” (аңгеме)
  86. Жусубалиев Кубатбек, “Улакчы” (аңгеме)
  87. Капаров Нуралы, “Кардагы из” (аңгеме)
  88. Матисаков Абдиламит, “Баткан күндү аяймын” (китеп)
  89. Раев Султан, “Пусу” (аңгеме)
  90. Раев Султан, “Суу” (аңгеме)
  91. Раев Султан, “Топурак” (аңгеме)
  92. Рыскулов Сардарбек, “Кара шумкар” (повесть)
  93. Рыскулов Сардарбек, “Кашка ат, карагер жорго” (повесть)
  94. Сооронбаева Зуура, “Астра гүлү” (повесть)
  95. Стамов Асанбек, “Хан Тейиш” (роман)
  96. Султанов Омор, “Сен жөнүндө поэма” (ыр түрмөктөрү)
  97. Сыдыкбеков Түгөлбай, “Тоо арасында” (“Биздин замандын кишилери”) (роман)
  98. Токомбаев Аалы, “Жараланган жүрөк” (повесть)
  99. Элебаев Мукай, “Кыйын кезең” (аңгеме)
  100. Эралиев Сүйүнбай, “Ак Мөөр” (поэма)

Кыргыз акын-жазуучуларынын 100 мыкты чыгармасы алгач бул жерде - Адабий Ордо жарыяланды.

]]> https://adabiyat.men/kyrgyz-akyn-zhazuuchularynyn-100-mykty-chygarmasy/feed/ 0 “Жаз” темасындагы бир ыр сынагынын жеңүүчүлөрү аныкталды https://adabiyat.men/zhaz-temasyndagy-bir-yr-synagynyn-zhenguuchuloru-anyktaldy/ https://adabiyat.men/zhaz-temasyndagy-bir-yr-synagynyn-zhenguuchuloru-anyktaldy/#respond Tue, 14 Apr 2026 04:00:00 +0000 https://adabiyat.men/?p=1473 Калыстар “Адабий Ордо” сайты “Кыргыз маданият борбору” сайты, “Кыска-нуска” жана “Кыргыз поэзиясы” телеграм-каналдары менен өнөктөштүктө уюштурган “Жаз” темасына арналган бир ыр сынагынын жеңүүчүлөрүн аныкташты: 1-орун:...

“Жаз” темасындагы бир ыр сынагынын жеңүүчүлөрү аныкталды алгач бул жерде - Адабий Ордо жарыяланды.

]]>
5/5 - (3 добуш)

Калыстар “Адабий Ордо” сайты “Кыргыз маданият борбору” сайты, “Кыска-нуска” жана “Кыргыз поэзиясы” телеграм-каналдары менен өнөктөштүктө уюштурган “Жаз” темасына арналган бир ыр сынагынын жеңүүчүлөрүн аныкташты:

1-орун: Айгүл МОЛДОКУЛОВА (№1 ыр)

2-орун: Айнагүл БАЗАРБАЕВА (№25 ыр)

3-орун: Динара БЕЙШЕНАЛИЕВА (№21 ыр)

Редакциянын сыйлыгынынын ээлери:

Кулмат ТУКЕНАЛИЕВ (№34 ыр)

Айзирек ГАДАЕВА (№40 ыр)

Жеңүүчүлөрдү сыйлыктары менен куттуктайбыз!

Эскерте кетсек, аларга төмөнкүдөй сыйлыктар каралган:

1-орун: Атайын диплом, автордун электрондук ыр жыйнагын чыгарып берүү, 12 айга каалаган көлөмдө, каалаган санда акы төлөбөй сайтка чыгармаларын жарыялоо мүмкүнчүлүгү;

2-орун: Атайын диплом, 9 айга каалаган көлөмдө, каалаган санда акы төлөбөй сайтка чыгармаларын жарыялоо мүмкүнчүлүгү;

3-орун: Атайын диплом, 6 айга каалаган көлөмдө, каалаган санда акы төлөбөй сайтка чыгармаларын жарыялоо мүмкүнчүлүгү;

«Адабий Ордо» сайтынын редакциясынын сыйлыгы: 3 айга каалаган көлөмдө, каалаган санда акы төлөбөй сайтка чыгармаларын жарыялоого укук берген сертификат.

Жеңүүчүлөрдү аныкташ үчүн учурдагы кыргыз адабиятында аты белгилүү чыгармачыл инсандарды тандаганбыз. Алар:

  1. Элмира АЖЫКАНОВА,
  2. Жолдош ТУРДУБАЕВ,
  3. Рахат АМАНОВА,
  4. Атахан КОЖОГУЛОВ,
  5. Махабат САИДРАХМАНОВА,
  6. Кыял ТАЖИЕВА.

Ырлар калыстарга авторлорунун аты-жөнү көрсөтүлбөй, жарыяланган номурлары менен берилген. Ырлардын авторлору ким экенин жыйынтык чыккандан кийин гана билишти.

Редакцияга жалпысынан 64 ыр келип түшүп, алардын 44 сынакка катыштырылган болчу.

Сынак, ат салышкан ырлар, жеңүүчүнү аныктоо иши тууралуу калыстар төмөнкү пикирлерин билдиришти:

Элмира АЖЫКАНОВА:

“«Жаз» сынагына келген көптөгөн ырлардын ичинен үч ырды иргеп алуу оңой эмес экен. Көпчүлүк авторлор жаздын көрүнүшүн гана бир беткей сүрөттөшүптүр, ырларынан өздөрүн таппадым. Адатта акын жазган ырына өзүн кошпосо – ыр жасалма, жугумсуз болуп калары турган иш.

Ал эми алдыңкы орунга чыккан үч ырда тең акындардын жан дүйнө толгоолору, жүрөктүн чыңалуусу кошо берилген.

Сынакка катышкан бардык акындарга, поэзиянын талапкерлерине түгөнбөгөн эргүү, ийгилик каалайм”.

Жолдош ТУРДУБАЕВ:

“Жеңүүчүлөрдү куттуктайм. Чыгармачыл өсүшкө умтула бериңиздер.

Авторлору жыйынтык чыкканга чейин купуя бойдон калганы абдан туура болду. Кимдин ыры экенин билгенде, тааныштарды таарынтып албайбызбы деген ой тексттин өзүн гана окуганга кыйла эле тоскоолдук кылмак.

Ырас, калыстардын берген бааларда айырма бар. Бирок салыштырмалуу жакшы деп тандалган ырларды баарыбыз негизинен окшош эле белгилептирбиз”.

Рахат АМАНОВА:

“Алгач «Жаз» темасындагы бир ырдын сынагына катышкан калемгерлердин бардыгына ыраазычылык айтып койгум келет. Себеби кечээ кыш айында эле түптөлүп, жаңыдан ачылган “Адабий Ордо” сайтынын алгачкы сынагына катышууга белсенген ар бир калемгердин көкүрөгүндө кыргыз адабиятына кызмат кылуу, кыргыз адабиятын колдоо деген ыйык түшүнүк жашайт экен. Бул сынакка келген ырларга калыстык кылуу оңойго турган жок. Себеби алдыңа келген ырлардын арасынан мыктысын тандап алыш үчүн кайра-кайра окуп чыгышың керек, анан өзүң тандап алган мыкты деген ырларды бири-бири менен салыштырып чыгышың керек дегендей. Кыскасы, жүз ойлонуп, жүз толгонуп атып, акыры мыкты деген ырларды тандап уюштуруучуга жөнөттүм. Калыстар дагы ар бири акыр аягына дейре принципалдуу болушту. Муну ачык айтып коюш керек. Бир гана нерсе, менин тандоомдогу байге орунга илешпей калган №18 бир куплет ырдын автору ким экени кызык болууда. Кудум жаздын өзүндөй сулуу, жылуу маанайдагы татынакай, жөнөкөй ырдын тилеги мага аябай жакты эле.

#18 Жаз

Бул жаз быйыл,
Керемет жаз болчудай
               сезип-туям,
Бактылуу болсом дейм,
Куштардай
                куруп уям.
Бул жаз быйыл,
Керемет жаз болчудай
               сезип-туям…

деген калемгерге тилегиңзге жетиңиз, ушул жазда бактылуу уя куруп алыңыз демекчмин!”

Кыял ТАЖИЕВА:

“Бул сынак анык керек учурда уюштурулуптур. Жаз келгенде ар бир Адам эргийт. Темасы да татыктуу. Бирок менин ичимдин кайрылганы – кырктай ырдын ичинен араң үч эле ырга ичим чыкты. Калганы бүт окшош… Салыштыруулар, жазга болгон өзгөчө мамиле, оттой ысык дем байкалбайт…

Чынында, ачыгын биз айтпасак, ким айтат. Биздин азыр акыбалыбыз аябай эле коркунучтуу. “Адабий Ордо” ушундай коркунучтан сактоо үчүн уюшулганын, анын максаты өтө терең экендигин эми түшүндүм! 

Бул сынак кайра-кайра уюшулуп, элдин табитин курчутушу керек экен”.

Махабат САИДРАХМАНОВА:

“Адабий Ордо” сайты менен “Кыргыз маданият борбору” сайты уюштурган “Жаз” жөнүндө бир ыр сынагына келип түшкөн ырлардан улам, элдин ырга болгон ышкысы ойгоо экенин байкадым. Бирок да ырлардын дээрлик көпчүлүгү уйкаштыгы чак келген жана бап келген жамак формасындагы Жаз жөнүндөгү позитивдүү ойлор экен.

Ал эми сынактагы иргелип чыккан ырлар өз табияты менен дароо эле айырмаланып, кумдун арасындагы алтындай көзгө уруна түштү. Ар бир авторго ийгилик каалайм. 1-орунга чыккан чыгарманын авторунун аты-жөнүн укканда мурда көпчүлүк окурмандарга, балким мага эле, буга чейин тааныш эмес Айгүл Молдокулова аттуу  автор экенин билип таң калдым жана кубандым. Сынактын максаттарынын бири – эл ичинен чыныгы таланттарды таап чыгып, жарк эттире окурман журтуна тааныштыруу болсо, демек бул максат кайсы бир деңгээлде ишке ашты го деп ойлойм. 

2-орун үчүн талашта жеке мен учурда 3-орунду алган ырдын күйөрманы болдум. Автору белгисиз чыгармаларды тандоодогу чакан талкуу да өзүнчө бир топ кызыктуу өттү. Кийин авторлор ачыкка чыга келгенде карасак 2-3-орунга деп талаш-тартыш жараткан 2 ырдын авторлору – учур адабиятындагы белгилүү, өз үнү, өз стили, өзгөчөлүгү бар акындар Динара Бейшеналиева менен Айнагүл Базарбаева экендиги бир кубантты! Байгелүү орундарга ат салышкан дагы 3-4 ырдын авторлору да элибиздин мыкты уул-кыздары экен. Сынакка катышкан бардык авторлорго алкыш жана ийгилик каалайм!”.

Бул жерде кошумчалай кетүүчү нерсе – калыстар тобу сынактын жеңүүчүлөрүнө өз сыйлыктарын да тапшыруу чечимин чыгарышты. Атап айтсак Жыргалбек Касаболотовдун, Рахат Аманованын, Элмира Ажыканованын жана Кыял Тажиеванын авторлордун кол тамгалары түшүрүлгөн китептерин берип жатышат!

Сынак аяктап, ага катышкан ырлардын авторлорунун аты-жөнүн эми ачыктай турган болсок, алар төмөнкүлөр:

№1

Айгүл Молдокулова

№23

Гүлбарчын Туратова

№2

Чынара Нурунбекова

№24

Тамара Кыдыралиева

№3

Ашурби Кулишева

№25

Айнагүл Базарбаева

№4

Элзат Абдиева

№26

Акматжан Кадыралиев

№5

Анарбек Акматбеков

№27

Батима Акматова

№6

Уулкан Азамат

№28

Жылдыз Бекболотова

№7

Төлөн Кадырбаев

№29

Айгүл Жамангулова

№8

Сиезбек Миңбаев

№30

Жумагүл Темирбаева

№9

Кенже Жапарова

№31

Нурила Нурдинова

№10

Нургүл Абдразакова

№32

Улукбек Жумагулов

№11

Гүлдана Камбарова

№33

Абдисами Шайдуллаев

№12

Назгуль Апышева

№34

Кулмат Тукеналиев

№13

Назира Арин кызы

№35

Нуркан Токторалиев

№14

Абдил Бегалиев

№36

Жумабек Бугубаев

№15

Күннура Жөжөнова

№37

Айнуса Абдыкадырова

№16

Акылбек Ооганов

№38

Индира Алымбаева

№17

Чынара Сарбагышева

№39

Айсалкын Саякова

№18

Миргүл Текешова

№40

Айзирек Гадаева

№19

Тайир Аширбай

№41

Базарбү Медетова

№20

Назгүл Доотуева

№42

Динара Шайдилла кызы

№21

Динара Бейшеналиева

№43

Жетиген Асанбек

№22

Элмира Төлөкова

№44

Жумабек Борбиев

Сынагыбызыга катышкан бардык калемгерлерге терең ыраазычылыгыбызды билдиребиз!

“Жаз” темасындагы бир ыр сынагынын жеңүүчүлөрү аныкталды алгач бул жерде - Адабий Ордо жарыяланды.

]]> https://adabiyat.men/zhaz-temasyndagy-bir-yr-synagynyn-zhenguuchuloru-anyktaldy/feed/ 0 Марат Токоев: “Адабий жашоо кайнап турушу үчүн адабий сайттар аба менен суудай зарыл” https://adabiyat.men/adabij-zhashoo-kajnap-turushu-uchun-adabij-sajttar-aba-menen-suudaj-zaryl/ https://adabiyat.men/adabij-zhashoo-kajnap-turushu-uchun-adabij-sajttar-aba-menen-suudaj-zaryl/#respond Fri, 03 Apr 2026 03:28:00 +0000 https://adabiyat.men/?p=1367 – Марат мырза, мурда интернет айдыңында “Кыргыз маданияты борборун” иштетип жүрсөң, бүгүн “Адабий ордо” сайтын ишке киргиздиң. Мунун максаты эмне? – Кайсы бир тилдеги адабияттын...

Марат Токоев: “Адабий жашоо кайнап турушу үчүн адабий сайттар аба менен суудай зарыл” алгач бул жерде - Адабий Ордо жарыяланды.

]]>
4.9/5 - (11 добуш)

– Марат мырза, мурда интернет айдыңында “Кыргыз маданияты борборун” иштетип жүрсөң, бүгүн “Адабий ордо” сайтын ишке киргиздиң. Мунун максаты эмне?

– Кайсы бир тилдеги адабияттын өнүгүүсү үчүн бул тилдеги адабий жашоо кайнап турушу керек. Биринчи кезекте, бул көркөм чыгармалардын, сын-пикирлердин, дүйнөлүк адабияттан котормолордун байма-бай жарыяланып турушуна байланыштуу. Бул жерде “сандан сапатка” деген принцип иштейт. Көп сандагы авторлордун болушу, көп сандагы чыгармалардын жарыяланып турушу бара-бара кыйын авторлордун, мыкты чыгармалардын пайда болушуна эртеби-кечпи алып келет.

Өтө деле алыс барбай атагы дүйнөгө тараган чоң акын-жазуучуларды берген жана берип келаткан орус адабиятын алып көрөлү. Аларда авторлор өз чыгармаларын жарыялай алган толтура мүмкүнчүлүктөр бар. Бул илгерки совет заманынын мурасы катары калган “Новый мир”, “Звезда”, “Дружба народов” ж.б. журналдардан сырткары, интернет заманындагы жаңы онлайн журналдар жана порталдар. Эң белгилүүлөрү – Проза.ру, Стихи.ру, Author.Today, Litmarket, ЛитРес: Самиздат, Ridero ж.б. Бул аянтчалар авторлорго чыгармаларын бекер жарыялаганга, аларды окуудан же сатуудан киреше көрүүгө мүмкүнчулүк түзөт. Ал эми “ЛитРес: Самиздат” менен Ridero сайттарында авторлор өз алдынча электрондук китептерин даярдап чыгара алышат.

– Бул жагынан кошуналар деле бизден алда качан эле озуп кетишкендей?

– Коңшу Казакстанда, саны боюнча Орусияга жетпейт дечи, бирок бир кыйла кызыктуу адабий журналдары жана онлайн порталдары бар – “Әдебиет порталы”, “Дактиль”, LiteRon, SØZDAY. Китептерди саткан көптөгөн интернет-дүкөндөр да иш алып барышат.

– А бизде адабий жашоо кайнап турат деп айта алабызбы?

– “Кыргыз маданияты” чыкпай калды. “Ала-Тоо” журналы бирде кайра чыгып, кайра токтоп калып жатты. Эми аны кайра чыгаруунун мамлекет колуна алып жаткандай. Адабиятка гана басым кылган сайттардан бир кезде literatura.kg жакшы баштады эле, бирок акыркы кезде ал анчалык активдүү болбой калды. Мен Жыргалбек Касаболотов жана Олжобай Шакир болуп үчөөбүз бир кезде демилгелеп, ачып иштетип келген “Кыргыз маданият борбору” сайтында адабият көптөгөн багыттарынын бири гана болуп эсептелет. Кийин Олжобай Шакир өзү “Рухэш” сайтын ачып, биздеги адабий жашоону бир кыйла жандантканга жетише алды. Бирок ал жалгыз баатыр. Сайтты иштеткенге, аны өркүндөткөнгө каржысы чектелүү. Улуттук жазуучулар союзунун adabiyat.kg сайты да адабий чыгармаларды такай чыгарып турганга аракет кылып келатат, бирок да көп нерсе камтылбай калууда.

Ар бир калемгер эч кимге жалдырабай каалаган чыгармасын жарыялап, элге сунуштай алган сайтты ачуу оюбуз бар эле. Бирок андай сайт ачканга даабай жүрдүк, анткени ал көп каражатты, эмгекти жана да билимди талап кылаарын билчүбүз. Бир күнү жогорудагы үч шарт дал келет деп күтүп отура бербей, башташ керек деген ойго келдик. Анткени бул үч шарт эч качан дал келбеши мүмкүн эле. Мына ушинтип “Адабий Ордо” сайты (adabiyat.men) ачылып калды. Каржынын, билимдин аздыгы сайтты кыялыбыздагыдай кылууга мүмкүнчүлүк түзбөдү. Бирок анын 60-70% ишке ашыра алдык.

– Сайттын эң башкы өзгөчөлүгү эмнеде?

– Мен жогоруда айткандай, каалаган калемгер каалаган чыгармасын бул сайтта жарыялай алат. Ага кайсы бир сайттын ээсинин уруксатын, макулдугун алууга зарылчылык жок. Чыгармасын жарыялаганга мүмкүнчүлүк алыш үчүн алгач ал сайтта автор катары катталышы керек. Аны үчүн сайтта көрсөтүлгөн adabijordo@gmail.com электрондук почтасына аты-жөнүн, почтасын, ватсап номурун жазып, сүрөтүн тиркеп жиберип коюуш эле керек. Катталуу адатынча бир күндөн ашык убакытты талап кылбайт. Калемгер автор катары катталгандан кийин чыгармаларын жарыялай алат. Бул жерде сайттын экинчи өзгөчөлүгү чыгат. Чыгарманы автор өзү жарыялабайт – аны сайттын админи жасайт. Бул сайттын ээлерине кошумча иш дечи. Бирок биз буга барганга аргасыз болдук, анткени авторлордун бардыгы эле сайтта чыгармаларын жарыялаганды биле беришпейт, ал эми ар бир авторду окутуп үйрөткөнгө мүмкүнчүлүк жок. Жарыялаган күндө да материалдар ар түрдүу форматта жарыяланып калышы мүмкүн, мисалы, тамгалары, же сап, абзацтардын ортосундагы аралык ар башка өлчөмдө болуп калышы мүмкүн. Бул чыгарманын сайтта көрүнүшүнө таасир этпей койбойт.

– Көркөм жасалгасы кандай болот?

– Адабият, биздин пикирибизде, алгач текст болгондуктан, сүрөттөрдү жарыялабай, текстке гана басым кылалы дедик.

Жарыяланып жаткан чыгармаларга биз тараптан кандайдыр бир чектөө жок болгондуктан, бул адабий баалуулугу төмөн, көркөмдүгү начар чыгармалдардын жабырап-жайнап кетишине өбөлгө түзүп койбойбузбу деген тынчсыздануу сөзсүз болду. Бирок “сандан сапатка” деген принцип иштей турганына ишенебиз. Анан да татыктуу авторлор менен чыгармаларды белгилеп көрсөтүп туруу үчүн “Редакциянын тандоосу” деген рубрикабызды ачтык. Аны менен катар маал-маалы менен сайтта жарыяланган чыгармалар, же кайсы бир кызыктуу автор тууралуу серептик материалдарды, сын-пикирлерибизди жарыялап турмакчыбыз.

– Сайтты кимдер каржылайт?

Сайтыбыздын башка бир өзгөчөлүгү – көлөмдүү чыгармаларды жана чыгармаларды бат-баттан жарыялыгысы келгендерге акы төлөөнүн киргизгенибиз. Буга аргасыздан бардык. Анткени сайтты иштетүү, анын ишин камсыздоо тийиштүү чыгымдарды талап кылат. Бул чыгымдарды толугу менен болбосо да, кайсы бир бөлүгүн жаап туруу муктаждыгы бар. Биз башында жакшы иштеп, кийин жабылып калган сайт болгубуз келбейт. Бирок да автор айына бир чакан чыгармасын бекер жарыялап тура алган мүмкүнчүлүктү караштырдык. Биздин пикирде, бул көп калемгерлерге туура келет. Анткени таланттуу калемгерлердин кыйласы “аз бирок саз” жазган чыгармачыл адамдар болушат эмеспи.

Аны менен катар дагы бир нече сайтыбыздын кызматтарына акы алуу каралган. Бул: орфографиялык, пунктуациялык каталарды оңдоо; чыгармасын сайттын слайдерине жайгаштыруу – муну менен чыгармага көбүрөөк окурмандардын көңүлүн тартса болот; чыгармага сын-пикирди угуу. Акы киргизгенибиз менен анын өлчөмү анчалык чоң эмес. Мисалы, 5-6 строфадан (куплеттен) турганы ырды жарыялоо 40-50 сом болушу мүмкүн.

Ошону менен катары кыргыз адабиятынын өнүгүүсүндөгү зор салымын эске алып котормочулар менен сынчылардан чыгармалардын көлөму жана саны боюнча чектөөлөрдү алып салдык, б.а. алар каалаган санда, каалаган көлөмдөгү чыгармаларын сайтыбызда бекер жарыялай алышат.

Сайтыбыз кыргыз адабиятына кызыккан окурмандадын жана авторлордун сүйүктүү аянтчасына айланат деп үмүт кылып жатабыз.

Маектешкен Болот ТАШТАНАЛИЕВ,
“Кыргыз Туусу”, №21 (24991), 24.03.2026

Марат Токоев: “Адабий жашоо кайнап турушу үчүн адабий сайттар аба менен суудай зарыл” алгач бул жерде - Адабий Ордо жарыяланды.

]]> https://adabiyat.men/adabij-zhashoo-kajnap-turushu-uchun-adabij-sajttar-aba-menen-suudaj-zaryl/feed/ 0 “Адабий Ордо” сайтынын “Ардактуу авторлор” клубу негизделет (оңдолду) https://adabiyat.men/adabij-ordo-sajtynyn-ardaktuu-avtorlor-klubu-negizdelet/ https://adabiyat.men/adabij-ordo-sajtynyn-ardaktuu-avtorlor-klubu-negizdelet/#respond Thu, 02 Apr 2026 03:49:00 +0000 https://adabiyat.men/?p=1361 “Адабий Ордо” сайтында мыкты көркөм чыгармалар көбүрөөк жарыяланып туруусун көздөп жана да таланттуу калемгерлерге колдоо көрсөтүү максатында сайттын редакциясы “Адабий Ордо” сайтынын “Ардактуу авторлор” клубун...

“Адабий Ордо” сайтынын “Ардактуу авторлор” клубу негизделет (оңдолду) алгач бул жерде - Адабий Ордо жарыяланды.

]]>
4/5 - (4 добуш)

“Адабий Ордо” сайтында мыкты көркөм чыгармалар көбүрөөк жарыяланып туруусун көздөп жана да таланттуу калемгерлерге колдоо көрсөтүү максатында сайттын редакциясы “Адабий Ордо” сайтынын “Ардактуу авторлор” клубун (мындан ары – Клуб) негиздөө чечимин чыгарды.

  • Клубдун мүчөлөрүнө сайттын жалпы авторлоруна карата колдонулган чектөөлөр колдонулбайт, б.а. алар каалаган санда жана көлөмдө чыгармаларын сайтта жарыялай алышат.
  • Аны менен катар Клубдун мүчөлөрү адабий процессти ургалдаштыруу, авторлордун чеберчилигин өстүрүү максатындагы “Адабий Ордо” сайтынын иш-чараларына активдүү катышып турууга милдеттеме алышат.
  • Клубдун мүчөлүгүнө авторлорду редакция өзү “Адабий Ордо” сайтында чыгармаларын жарыялап келгендердин арасынан тандап алат.
  • Клубга авторлор редакция курамынын бир добушу менен жана автордун өзүнүн макулдугу менен киргизилет.

“Адабий Ордо” сайтынын “Ардактуу авторлор” клубунун алгачкы мүчөлөрү:

  1. Бурулкан Сарыгулова
  2. Нарсулуу Гургубаева
  3. Элмира Ажыканова
  4. Рахат Аманова
  5. Махабат Саидрахманова
  6. Айгүл Молдокулова
  7. Гүлзада Станалиева
  8. Шабдан Сулайманов

“Адабий Ордо” сайтынын “Ардактуу авторлор” клубу негизделет (оңдолду) алгач бул жерде - Адабий Ордо жарыяланды.

]]> https://adabiyat.men/adabij-ordo-sajtynyn-ardaktuu-avtorlor-klubu-negizdelet/feed/ 0 “Жаз” темасындагы бир ырдын сынагы аяктады https://adabiyat.men/zhaz-temasyndagy-bir-yrdyn-synagy-ayaktady/ https://adabiyat.men/zhaz-temasyndagy-bir-yrdyn-synagy-ayaktady/#respond Wed, 01 Apr 2026 03:25:00 +0000 https://adabiyat.men/?p=1364 31-март “Жаз” темасына арналган бир ырдын сынагына ырларды кабыл алуунун акыркы мөөнөтү болчу. Редакцияга жалпысынан 64 ыр келип түшүп, алардын 44 сынакка катыштырылды. Эми ырлар...

“Жаз” темасындагы бир ырдын сынагы аяктады алгач бул жерде - Адабий Ордо жарыяланды.

]]>
5/5 - (1 добуш)

31-март “Жаз” темасына арналган бир ырдын сынагына ырларды кабыл алуунун акыркы мөөнөтү болчу. Редакцияга жалпысынан 64 ыр келип түшүп, алардын 44 сынакка катыштырылды.

Эми ырлар калыстар тобуна жөнөтүлөт. Сынактын жыйынтыгы апрелдин орто чендеринде жарыяланат.

Сынагыбызыга катышкан бардык калемгерлерге терең ыраазычылыгыбызды билдиребиз!

“Жаз” темасындагы бир ырдын сынагы аяктады алгач бул жерде - Адабий Ордо жарыяланды.

]]> https://adabiyat.men/zhaz-temasyndagy-bir-yrdyn-synagy-ayaktady/feed/ 0