“Адабий Ордо” сайтында мыкты көркөм чыгармалар көбүрөөк жарыяланып туруусун көздөп жана да таланттуу калемгерлерге колдоо көрсөтүү максатында сайттын редакциясы “Адабий Ордо” сайтынын “Ардактуу авторлор” клубун (мындан ары – Клуб) негиздөө чечимин чыгарды.

• Клубдун мүчөлөрүнө сайттын жалпы авторлоруна карата колдонулган чектөөлөр колдонулбайт, б.а. алар каалаган санда жана көлөмдө чыгармаларын сайтта жарыялай алышат.
• Аны менен катар Клубдун мүчөлөрү адабий процессти ургалдаштыруу, авторлордун чеберчилигин өстүрүү максатындагы “Адабий Ордо” сайтынын иш-чараларына активдүү катышып турууга милдеттеме алышат.
• Клубдун мүчөлүгүнө авторлорду редакция өзү “Адабий Ордо” сайтында чыгармаларын жарыялап келгендердин арасынан тандап алат.
• Клубга авторлор редакция курамынын бир добушу менен жана автордун өзүнүн макулдугу менен киргизилет.

“Адабий Ордо” сайтынын “Ардактуу авторлор” клубунун алгачкы мүчөлөрү:

1. Бурулкан Сарыгулова
2. Нарсулуу Гургубаева
3. Элмира Ажыканова
4. Рахат Аманова
5. Махабат Саидрахманова
6. Айгүл Молдокулова
7. Гүлзада Станалиева
8. Шабдан Сулайманов

“Адабий Ордо” сайтынын “Ардактуу авторлор” клубу негизделет (оңдолду) алгач бул жерде - Адабий Ордо жарыяланды.

31-март “Жаз” темасына арналган бир ырдын сынагына ырларды кабыл алуунун акыркы мөөнөтү болчу. Редакцияга жалпысынан 64 ыр келип түшүп, алардын 44 сынакка катыштырылды.

Эми ырлар калыстар тобуна жөнөтүлөт. Сынактын жыйынтыгы апрелдин орто чендеринде жарыяланат.

Сынагыбызыга катышкан бардык калемгерлерге терең ыраазычылыгыбызды билдиребиз!

“Жаз” темасындагы бир ырдын сынагы аяктады алгач бул жерде - Адабий Ордо жарыяланды.

Сайттын акыга көрсөтүлө турган кызматтарынын баасын аныктоо эми жеңил болуп калды.

“Сайттын кызматтары” көрсөтүлгөн барактын ылдый жагына атайын калькулятор орноттук. Эми керектүү кызматтарды тандап, чыгарманын көлөмүн көрсөтсөңүз сайтыбыз кызматынын баасы чыгып калат.

Бир гана анын алдында чыгарманыңыздын көлөмү болжолдуу канча сөздөн турарын аныктап алуу керек.

Сайттын кызматтарынын баасын жеңил эсептеп алса болот алгач бул жерде - Адабий Ордо жарыяланды.

Мындан ары котормочулар жана сынчылар чыгармаларын каалаган санда каалаган көлөмдө “Адабий Ордо” сайтында бекер жарыялай алышат.

“Адабий Ордонун” редакциясы эмгеги учурда көп бааланбаган, кыргыз окурмандарын дүйнөлүк адабият менен тааныштырууга далалат кылган котормочуларга, кыргыз адабияты туура жолдо өнүксүн деген сынчылырга колунан келген ушундай колдоо көрсөтүүнү туура тапты.

Бирок сайттын башка кызматтары, б.а. каталарды текшерүү, слайдерге жайгаштыруу котормочулар менен сынчылардан мурдагыдай эле акы төлөөнү талап кылат.

Котормочулар менен сынчыларга колдоо көрсөтүү боюнча чечимибиз алгач бул жерде - Адабий Ордо жарыяланды.

Ушул муктаждыкты кандайдыр бир деңгээлде канааттандыруу максатында биз сайттын редакция мүчөлөрүнүн сын-пикирин угуу кызматын киргизүүнү туура көрүп жатабыз.

Азырынча сын-пикирин билдире алгандардын катарына сайттын редакциясынын мүчөлөрүн киргизип жатабыз. Алар кыргыз адабиятында өз орду бар, белгилүү калемгерлер: Жыргалбек Касаболотов, Толук Бек Байзак, Марат Токоев.

Буз тизме кийинчирээк башка дагы кесипкөй адабиятчылар менен толукталышы мүмкүн.

Автор сайттын редакциясынын кайсы мүчөсүнүн сын-пикирин уккусу келгенин өзү тандайт.

Сайтта жарыяланган гана чыгармаларга сын-пикир айтылат.

Сын-пикир жеке автордун өзүнө гана жазуу түрүндө берилет.

Сын-пикирин билдирген адамдын акыл эмгеги үчүн акы төлөө каралган. Ал сүйлөшүү аркылуу чыгарманын татаалдыгына, көлөмүнө жараша аныкталат, бирок 1000 сомдон кем эмес.

Сын-пикир уккусу келгендер атайын форманы толтуруп жибериши керек болот.

Чыгармага сын-пикир угуу кызматы сайтка кошулду алгач бул жерде - Адабий Ордо жарыяланды.

Сайтыбыздын Китепканасына Таалайбек Төлөнбаевдин “Эки тагдыр” деген китеби жайгаштырылды. Китеп автордун 2 повести жана 3 аңгемесинен турат.

Китеп жакында эле жылдын башында “Мукай” басма үйүндө жарык көргөн. Анын редактору Бурулкан Карагулова болгон.

Китеп сүйүүчүлөрдүн кеңири чөйрөсүнө сунушталат.

Китепканабыз дагы бир китеп менен толукталды алгач бул жерде - Адабий Ордо жарыяланды.

Кыргызстандыктардын дээрлик бардыгы колдонгон WhatsApp мессенжеринде сайтыбыздын каналы ачылды. Бул сайттын жаңылыктары, анда жарыяланган чыгармалар менен өз убагында таанышып турганга жакшы мүмкүнчүлүк түзөт.

Каналга күнүнө 2-3төн ашпаган гана пост жарыяланып турмакчы. Алар, жогоруда белгиленгендей: сайттын жаңылыктары жана да сайттын администрациясын пикиринде сайтта жарыяланган мыкты чыгармаларга шилтемелер болмокчу.

Каналга бул шилтеме менен кирип, катталса болот.

Сайттын WhatsApp’тагы каналы менен достор, кесиптештер, туугандар арасында бөлүшүүгө чакырабыз – сайтыбыздын окурмандары көбөйсүн!

WhatsApp’та сайттын каналы ачылды алгач бул жерде - Адабий Ордо жарыяланды.