#14 Жаачы жамгыр
Жаачы жамгыр, өткүн сымал токтобой,
Жаачы жамгыр, мөндүр кылып октобой.
Жаачы жамгыр, жер жарыла чөп чыгып,
Жаачы жамгыр, эңсеттирип жоктобой.
Жаачы жамгыр, же бүркөлүп токтобой,
Жаачы жамгыр, булуттарды топтобой.
Жаачы жамгыр, жаай берчи кубантып,
Жамгыры жок чаң жутканга окшобой.
Жаачы жамгыр, жерим көктү жамынсын,
Жаачы жамгыр, чөптөр чыга камынсын.
Жаачы жамгыр, жаап турчу бат баттан,
Жамгыр сени бүт жер жүзү сагынсын.
Жаачы жамгыр, эргүү чыксын жүрөктөн,
Жаачы жамгыр, жаралгандай тилектен.
Жаачы жамгыр, жаай берчи жаачы эми,
Жакпайт мага, жамгыры жок күн өткөн.
