#28 Неге адамзат…
Күн узарып, жер да жылып, жаз келет,
Көккө айланып, жер тарап да дем берет.
Жаңыланып бак дарактар кийинип,
Жашыл түскө оронушат, бай терек.
Күн жылмайып, нурлар жерди өпсө да,
Неге адамзат, сүйүүлөрүн бөлүшпөйт?
Тиктегени бир төрт бурчтук телефон,
Тегеректе гүл турса да көрүшпөйт.
Ал ансайын гүлдөп, бүрдөп теребел,
Өчөшкөндөй табият да жанданат.
Күн нуруна жылыныша бак-дарак,
Жаз күнүнө кадимкидей камданат.
Жаңыланып турса дагы теребел,
Неге адамзат жылуулукту бөлүшпөйт?
Жер жашарып, жаңы демге толсо да,
Ырайымын жаздын неге көрүшпөйт?
