“Эй, адамдар, эмне болуп баратабыз?..”
* * *
Эй, адамдар, эмне болуп баратабыз?
Билип билбей ушактарды таратабыз.
Ак-караны ажырата билбей туруп,
Айып издеп болбогон бир санаадабыз.
Эй, адамдар, эмне болуп баратабыз?
Туура жолдон кыйшык басып адашабыз.
Көрө албас, ичи тардык өрчүп улам.,
Көңүл муздап, мерездикти жаратабыз.
Эй, адамдар, эмне болуп баратабыз?
Жакшы турса, жаманга жанашабыз.
Алдамчылар көбөйүп арабызда..
Калпты чындай көрөбүз, баарлашабыз.
Эй, адамдар, эмне болуп баратабыз?
Эркиндикти азапка айлантабыз.
Байлык, мансап көздөгөн баары азыр
Ой-санаа көп ооруларды жаратабыз.
23-март, 2026-жыл
Азаматсыз жеңе