Эрте жаз
Мүлдө асманды туңгуюктап,
Калың булут каптап турат.
Мезгил-мезгил бурганактап,
Тынып-тынып кар жаап жатат.
Кыш мезгил кетпөөчүдөй кекерленет,
Март айы келгендигин эске албай.
Жаз мезгил эртели-кеч ичиркентет,
Караанын жакындатып эч байкалбай.
Айлана кар, ала-шалбырт чоң жолдордо,
Көкүрөккө жылуу демдин жыты келет.
Төрт түлүк карлар кеткен ар жондордо,
Куштар үнү бак-даракта безеленет.
Адамдар жеңилденип кийинишип,
Айгырлар үйүрлөргө копшолууда.
Келсе деп май, июнду эңсесишип,
Бука, теке, кочкорлор оор уйкуда.
