#41 Табышмактуу кубаныч
Аалам күлүп, асман сүйкүм, таптаза.
Бүчүр жарып жайнап турат өмүрүм.
Ич дүйнөмө нур төгүлүп башкача,
көгүчкөндөй ободо учат көңүлүм.
Бул кайдагы табышмактуу кубаныч,
бар дүйнөмдү ээликтирген мынчалык,
балким ага себеп болуп жүрбөсүн,
бүгүн алгач турганга жаз жыттанып.
Жаздын жыты. Төгүлүүгө аз калып,
бөтөн адам албас балким түшүнө.
Жүрөгүмдү жиреп өтүп ак жарык,
түнү бою кирип чыктың түшүмө.
