#33-34 (55 сөз)

#33 Белек 

– Эжеке, эртең сиздин туулган күнүңүз эмеспи. Мен сизге белек алып берейин дегем. Бирок эртең сиз мени менен дүкөнгө сөзсүз барышыңыз керек, – деди алты жашар Айназ эжесинин колун кучактап.

Эртеси дүкөндө Айназ эжесинин жанында башын жерге салып кайгылуу турду.

– Биз менен суу жээктеп бассынчы деп сизге бут алып берейин дегем, – деди Айназик эжесинин коляскасынын дөңгөлөгүн кармалап.

#34 Тилек

Караңгы үйдө жалгыз жаткан абышка эки жагын каранып “суу, суу бергилечи” деди. Жымжырт. Үйдө эч ким жок эле. Жанындагы жубайынын сүрөтүнөн көзүн алган жок.

“Сагындым сени”, – кобуранды.

Бүгүн негедир тура албай кыйналып калыптыр. Кайрадан көзүн жумуп уйкуга баш койду.

Аппак көйнөк кийген жубайынын колун бекем кармап, кооз бакчаны аралай кетип баратты.

Көптөн күткөн тилегине жетти.