Ай келиптир

Автору:Дооров Абдилаат
Көрүүлөрдүн саны: 12
5/5 - (2 добуш)

Ача салсам көзүмдү бүгүн түндө,
Алтын нурун төгүлтүп асыл мүлдө
Аза бойго жүрөгүм, өзөгүмө,
Ак жайылган ыпысык төшөгүмө,
Ай келиптир, аруу жан, ай келиптир.

Агатайын сагынткан карындаштай,
Атилес шай көйнөгүн жамынбастан.
Капилеттен тарынтып алган асман,
Каш-кареги, эринин жалын баскан
Ай келиптир, азада, ай келиптир.

Алды мага жөлөнүп, таштап боюн,
Алоолонуп, өрттөндү ичи койнум.
Кумарга мас алакан, манжа, колум,
Кучакташсаң ай менен кандай сонун
кандай сонун, кандай сонун, кандай сонун.

  • Автор:

    Акын, журналист. Кыргызстанда уникалдуу «Өрүкзар» поэзия фестивалынын түзүүчүсү жана уюштуруучусу. «Миң тамыр», «Гүл Гүл», «Ак булут», «Мөл тунук» ырлар жыйнактарынын, Исхак Раззаков жөнүндө биографиялык “Исхак Раззаков - Аруулук асманы” китебинин автору. Кыргыз Улуттук Жазуучулар Союзунун Баткен облустук бөлүмүнүн төрагасы.
Бөлүшүңүз
             

Окшоштор

Жооп калтыруу

Сиздин email жарыяланбайт. Милдеттүү талаалар * менен белгиленген