Кыргызстан мекеним

2.5/5 - (2 добуш)

Арча, кайың, карагай, чычырканак,
Ата Журттун жытына моокум канат.
Туулган жердин сөз жеткис кереметин,
Ала-Тоомду сагынып, жүрөм самап.

Биз Кыргызбыз, үрп адатын сактаган,
Улуу журтпуз, эне тилин даңктаган!
Ак ниеттүү, ак баталуу, калыс эл,
Аксакалын, энелерин барктаган.

Мекенимдин топурагы алтын да,
Береке-кут жайнап турат калкында.
Дилин-тилин ыйык тутуп сактаган,
Баасы бийик кылым кезген салтында.

Баатыры көп атак даңкын чыгарган,
Кан майданда элин коргоп сыналган.
Манас атам чачылганды чогултуп,
Миң сандаган чачкын Кыргыз куралган.

Уул-кыздар коргойт өлкө намысын,
Жаңылаган кыргызымдын тарыхын.
Мекен үчүн тикесинен тик турган,
Алып келген жеңиштердин баарысын.

Айланам тоолорунан Мекенимдин,
Касиети кетпесин эне-тилдин,
Бар бол Кыргыз, өсө бер улуу журтум,
Эч нерсеси тең келбейт чет элиңдин.

  • 1972-жылы Талас облусунун Үч-Булак айылында төрөлгөн. Кесиби боюнча энергетик. "АКТАЛ" адабий чыгармачыл бирикмесинин активдүү мүчөсү. Ырлары Өзбекстанда чыккан акын-жазуучулардын алманахында жарыяланган. Китеби азырынча чыга элек.

    Авторго колдоо көрсөткүсү келгендерге: 

Бөлүшүңүз

Окшоштор

Жооп калтыруу

Сиздин email жарыяланбайт. Милдеттүү талаалар * менен белгиленген