Кимдерден сени сурасам
Таанышкан күндө, жүрөгүм булкуп туйлаган,
Тартынып жүрдүм – сезимдер ичке сыйбаган.
Кайда элең башта, багымда гүлдөр ачаарда,
Элиртип жанды, жалының тийип кыйнаган.
Жабыркап жүрөк жолуңду тиктеп каранам,
Кай жерден издейм, кимдерден сени сурасам?
Үмүтүм жандыр, ичимде каткан сырым бар,
Чырмалган тагдыр, ойлордон мени чыгарсаң.
Өзүмдү тыйып, айтылчу далай сөздөрдөн,
Өзөгүм жалын бир сага болгон ойлордон.
Бүт денем сенден калсынчы деп… Жанчылып,
Өзүңдү издейм, кайчылаш өткөн жолдордон.
