|

Чоң Балапан 

Автору:Касаболотов Жыргалбек
Көрүүлөрдүн саны: 330
4.5/5 - (8 добуш)

Таарынганың, күлгөнүң бала сымал,
Талпынганда мактанган канаты бар,
Татынакай кезиңден жакшы көргөн
Тамашакөй дүйнөңдүн жарашыгы ал. 

Жашап жүрсөм максатка үлгүргөнү,
Жай кебиңдин көп болуп күлдүргөнү,
Канча бир жыл өзүңдүн жылуу, чакан
Канатыңа калкалап жүрдүң мени. 

Арбын дале кыялдар курулбаган,
Аскалар аз, экөөбүз урунбаган.
Чыдай албай жакындар жапа чексе
Чымчык боло жаздайсың чырылдаган. 

Бардыгыңа ыраазы, тапканыма.
Балдарыңды бапестеп бакканыңа.
Бакыраң көз кезиңде эркелеген
Балапандай мүнөзүң жакканына. 

Чогуу жашап келебиз. Колдо алакан.
Чолоом жетсе чоң ата болгон атам.
Чоң бактыга чөмүлүп көп жашай көр,
Чоң Бүркүттүн сүйгөнү Чоң Балапан.

  • Автор:

    Журналист, акын, талдоочу, котормочу. 1996-жылы КУУнун журналистика факультетин бүтүргөн. 1994-жылы жаш акындардын Табылды Муканов атындагы сыйлыгына, 1999-жылы КР президентинин журналисттер үчүн чыгарылган “Алтын калем” сыйлыгына, КР Ардак грамотасына ээ болгон. “Алтын калем” адабий сыйлыгынын 2024-жылдагы сын жанры боюнча жеңүүчүсү.

    “Самурай кылыч – жүрөгүм” ыр китеби жана сын макалалары кирген “Сын китеп” китеби жарык көргөн.
Бөлүшүңүз
             

Окшоштор

2 Comments

  1. Чоң бактыга чөмүлүп көп жашай көр,
    Чоң бүркүттүн сүйгөнү чоң балапан.

    Мыкты!

    Reply

Жооп калтыруу

Сиздин email жарыяланбайт. Милдеттүү талаалар * менен белгиленген