#40 Жаз

Билинбестен бирге ой куруп,
Ортобузду сөзгө толтуруп.
Ушул кечте кышты узатып,
Жазды тостук чогуу олтуруп.

Айкалышып, анда айлана,
Көзгө урунат жазчу сүрөттөр.
Көп нерсени баяндагансыйт,
Биз жым турган ушул, мүнөттөр…

Бир убакта сааттын жебеси,
Он экини көздөй бараткан.
Айта салдың менден биринчи,
“Жазың менен кирип келаткан!”.

Жарк дей түшүп асман жер менен,
Мындайды не мурда сезбегем?
Чынын айтсам, өмүрүмө жаз –
Эчак келген чогуу сен менен…