Бүгүн шамал күндөгүдөн башкача.
Үнү муңдуу, өзү дагы ызалуу.
Жан дүйнөнүн жалбырагын сапырып
Жар салууда жашайлычы жанаша!
Жашайлычы, жанга кубат берели.
Карабайлы, карааны алыс күндөрдү.
Канат кагып, ак-жарыкты аралай
Ай жылдызды, деңиздерди кечели…
Ашыктыкка, аруулукка – ал жакка
Келбеш үчүн түбөлүккө кетели…
12.01.2016
Журналист, жазуучу, акын. КРдин Улуттук жазуучулар союзунун мүчөсү.
“Издөөнү табуу” (2005-ж.), “Түндөгү караңгы” (2018-ж.) кыска эссе-аңгемелер жыйнактары жарык көргөн.
Автору:Матисаков Бешболуш
