“Босогоңдо турам бүгүн…”
* * *
Босогоңдо турам бүгүн,
Көшөгөмдү кыя албай.
Мелтиреген мелүүн шыптар
Кайтышымды суранбайт.
Суз караган дубалдар да
Менден чарчап бүткөндөй,
Терезени черткилеген
Тентек кызды күткөндөй.
Бир сүйүүнүн пайдубалы
Чар тарапка бөлүнүп,
Илкип калган басыгымдын
Изи жерге өбүлүп.
Бара жаттым бар күчүмдү
Ызалуу ыйдан чыгарып.
Мени тосуп алар жолдун,
Босогосу мунарык.
