* * *
Сенин дагы жарың бар,
Менин дагы жарым бар.
Сен сүйөсүң жарыңды,
Мен сүйбөймүн эч аны.
Көзүңдө нур чайпалып,
Как жүрөккө бир тийет.
Жарадармын ок жеген,
Көзүм жалсыз, киртийет.
Мен сүйөмүн өзүңдү,
Нур чагылган көзүңдү.
Ойлой берип уктабай,
Ойрон жүрөк эзилди.
Сенин жарың жашыраак,
Менин жарым жоошураак.
Сага жазган ырымды
Күйөөм окуп олтурат.
Акын. Кыргызстан Улуттук Жазуучулар Союзунун мүчөсү. “Кыргыз акын-жазуучулары” коомдук фондунун директору.
КРдин Улуттук жазуучулар союзунун Алыкул Осмонов атындагы Республикалык адабий сыйлыгынын, ТүркСОЙ эл аралык НИЗАМИ сыйлыгынын жана бир катар эл аралык жана республикалык сыйлыктардын ээси.
БуКарадан жалындуу ыр чыгыптыр.